Xidir bêveng kewt oda û neynika ke Welî daybî ci kerde tûnika çaketê pîyê xo û bi pistnayîşî vat: "pîyo mi rîyê xo û ê to a neynika ke to daybî mi de kerd vîndî û naye de reyna dî. Wa no rîyê mi to de bimano." Agêra û ver çarna ra odaya Çêçila, a zî hewn de bîye. Giran ame leyê cila xo, sivik binê meqetî ra çenteyê xo yo ke rew ra kerdîbî amade vet. Ame verê berî, vinet û agêra Munzurî de nîyada. Şopêk winî cayê xo de bî mat û mend. Seke verê ci de sînoro de zaf derg û çetin bî, beno ke... Her çî gamêk ra girêdayî bî; aver yan apey? Xidirî bînêda xorîne ante û vejîya teber...Senî ke vejîya teber sura honike sivik rîyê ey lîşt û o ard ra xo. Xidirî sereyê xo kerd berz û aşma zerde de nîyada, roşnîya aşme zereyê çimanê Xidirî de...
Internet Explorer tarayıcısının 9.0 ve daha eski sürümlerini desteklememekteyiz. Web sitemizi doğru görüntüleyebilmek için tarayıcınızı güncelleyebilirsiniz, güncelleyemiyorsanız başka bir tarayıcıyı ücretsiz yükleyebilirsiniz.