Gurbet içre yok enîsim mihrbânım kandadır
Yok celîs-i müşfikim ol nev-cüvânım kandadır
Bâdiye-peymâ-i tâbistân-ı hicrân olmışım
Sâye-endâz-ı kerem âb-ı revânım kandadır
Kâleb-i fersûde-i zilletle oldım hâk-sâr
Bâd şartıyla gelen şol tâze cânım kandadır
Uykuda hem görmez oldım cennet-i dîdârını
Baña göstürmez yüzin rûh-ı revânım kandadır
Ol bülend-ikbâlim ile seyr iderdim ‘âlemi
Şimdi kaldım hayret içre dîdebânım kandadır
Herkes eyler meskeninde dil-beriyle ‘îş ü nûş
Yâ İlâhâ dil-nevâzım hânumânım kandadır
Şehr-i İstanbulı üç yıldır idinmişsin vatan
İy Müfîdî dime sen şâh-ı cihânım kandadır
(Tanıtım Bülteninden)
Internet Explorer tarayıcısının 9.0 ve daha eski sürümlerini desteklememekteyiz. Web sitemizi doğru görüntüleyebilmek için tarayıcınızı güncelleyebilirsiniz, güncelleyemiyorsanız başka bir tarayıcıyı ücretsiz yükleyebilirsiniz.