Ev sedan sal in welatê me di bin nîrê mêtinkariyê de dinal e.Ji her tiştî bêhtir zilm û stemkariya li ser zimanê me kiriye ku gelek kes xwe jê dûr bikin. Nebûna perwerdehiya bi kurdî û pêla bişavtinê derbek mezin li wêjeya kurdî jî xistiye. Bikarneanîna zimanê kurdî ne tenê kir ku ziman qels bibe, lê helbesta li ser hîmê xwe bejnavêtî jî wek dara bêpel û kulîlk çîptazî bimîne.
n
Helbest di nav beşên wêjeyê de ya herî resen û xweser e. Lew helbest bi peyvan tê nivîsîn û em zanin ku her peyvek xwedî deng, reng û wateyeke ferhengî ye, helbestvan peyvê ji nû ve bi hêz û şiyan dike.Vêca helbestvan ew kese yê hay ji efsun û raza peyvê heyî.
n
Helbest beriya her tiştî lihevkirina hest û hîsan e.Jidilbûn û hogiriya dil e. Helbestvan ku bi van pîvanan helbesta xwe dariştibe, bêguman wê bikaribe dengê xwe ragihîne xwendevan.
n
Çetîn Lodî, bi vê berhema xwe ya helbestan aha dide ser vê rêya qedîm ya bav û kal an. Ew zane peyva ku bi paşxana xwe nikare temsilîyeta çand û kevneşopiya me bike bi kar naîne. Lodî, bi zimaneke henûn, bi hest û hîsên kubar yê kurdekîgeh hêrs,coş,xemgînî û neçariya xwe vedibêje. Bi peyvên bi teql ku dengbêjiya kurdî de bûne berdevkê mêrxasî û berxwedana tê-koşeran bi kar tîn e.
n
Zimanê rewan, sade û vegotina wî ya jidil dike ku xwendevan bi xwendina her helbestê têkeve nav pirs û mitalan. Bê guman serkeftina helbestkarekî li ser van stûnan bilind dibe.
n
Çetîn Lodî, zêde dûr naçe, bûyer û qewimînin duh û îro pêkhatîne bi zimanek helbestî raberî me dike. Ji ber vê jî dibêjim tahma nanê tenûrê,bêhna kûlîlkên nû vebûyî jê difûre.
n
Çetîn Lodî bi her helbestek xwe bûye deng û giyanê vê xakê;
n
n
We tahir kûşt,
n
We qasid kûşt,
n
We sinç kûşt,
n
Ma we ji xwe,
n
û ji me re,
n
çi hişt…!?
n
n
(Tanıtım Bülteninden)
n